We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Luusbuebe

by Luusbuebe

/
  • Streaming + Download

    Includes high-quality download in MP3, FLAC and more. Paying supporters also get unlimited streaming via the free Bandcamp app.

      name your price

     

1.
Feerie 03:11
Hüt am morge zum letschte mal ufgstande I de mathi scho wieder nüüt verstande Jetzt no durehebe bis zum mittagässe Und dänn channi ändlich alles vergässe Dänn ich han... Ref: ...Feerie! Summerferie! Foif wuche nüüt z’tue Und ändlich miini rueh Jetzt chani use und mache was ich will In wald go spiele, go bade, ach es git so vill Spaht is bett und am morge eifach nöd ufstah Ach ich wünschti de summer wür für immer wiiter gah Ref 2: ...Feerie! Summerferie! Foif wuche nüüt z’tue Und ändlich miini rueh Zwüscheteil: De wecker lüütet am 7i und de papi wirft mich usem bett Verschlafe schell ich mich us de decki obwohl ich das gar nöd wett I de schuel isch d’frau Müller scho voll parat und ich scho wieder vill z’spaht Allei scho s’ufstah isch en riise kampf und jedi prüefig en cheibe chrampf Zum glück sind bald scho wieder... Ref 2x: Feerie! Herbstfeerie! 2 Wuche nüüt z’tue Und ändlich miini rueh
2.
Sandchaschte 03:18
De sandchaschte ghört mir allei Da cha keine inne nei Au nöd de noi usem block Bliib doch i dim 10. stock Er gseht ja au so andersch uus Da chum ich scho lang nüm druus Was er redt verstahni nöd Drum find ich in jetzt scho blöd Am mittwuch nammi nach de schuel Wott ich bim spille mini rueh Doch wer hockt da uf miim thron Git das öppe e revolution Unschuldig hockt er da Es lächle uf de lippe gha Gah doch zrugg wo d’hercho bisch Das wüscht ihm s’lächle vo siim gsicht Ref: Stopp was hani da jetzt gseit? Ha ja gar nüt überleit Nur will er chli andersch isch Hocki nöd an gliiche tisch? Debii känni ihn nöd mal Wo er herchunnt isch doch egal Händ hüt de ganzi tag verbracht Am abig gits bi ihm no z’nacht So fein han ich no nie gässe De abig wirdi nie vergässe Er isch miin neue beste fründ Au wänn die andere blöd tüend Ich zeig ihne, dass es egal isch Wänn eine chli andersch isch Ref: Zum glück hani das jetzt gseit Hani ändlich überleit Grad will er chli andersch isch Hocki jetzt am gliiche tisch Und er zeigt mir neui sache S’git so vill wo mer no chönd mache
3.
Amene namitag sitzt en grosse wolf Im dunkle wald und au scho bald Chunt es chlises meitli verbii Sie hät en chorb vollä ässe debii Bringsch du de chorb zu dim grossi? Frögt de wolf s‘chline meitli Sie seit ja und laht in stah Doch de wolf weiss genau wo dure gah Wo s chline meitli bim grossi achunt Lit öper da im pjyama, Sie macht drü schritt und dänkt au mit Das isch de bösi wolf „Oh shit“! Ref: S chline meitli isch so schlau Wie en wolf usggset weiss sie genau! S chline meitli isch so schlau Wie en wolf usggset weiss sie genau! Weiss sie genau... S’Meitli packt ihres lasso us Bindet de wolf an baum vorem huus Jetzt mues er in züri zoo ga Und wird’s chline meitli in rue lah! Ref S chline meitli isch so schlau Wie en wolf usggset weiss sie genau! S chline meitli isch so schlau Wie en wolf usggset weiss sie genau!
4.
Lokifüehrer, badmeister, pilot und buschauffeur Isch alles zimli lässig, doch findet bi mir keis ghör Bürogummi, automech isch mer alles z’blöd Für fuessball bini z’langsam au das wotti nöd Ref: Ich wött nöd banker werde und scho gar nöd polizist Bin kein azugträger uniforme findi trist Ich wött nöd banker werde und scho gar nöd polizist Wott nur no glacé ässe, alles anderiiiii isch mist Schüeler sii isch nüüt für mich, bin lieber en rebäll Wo tuet und laht was er will, wie de wilhelm tell Im wald go spille fürli mache, gfallt mer doch vill meh Zum ässe gits es schlangebrot mit schoggibananepüree Ref: Ich wött nöd banker werde und scho gar nöd polizist Bin kein azugträger uniforme findi trist Ich wött nöd banker werde und scho gar nöd polizist Wott nur no glacé ässe, alles anderiiiii isch mist Mathiprüefig, ufsatz schriibe, cha mer alles gstolle bliibe Lieber chli go bädele, d’limmat abetriibe Schaffe tueni nöd so gern, bruuch doch nöd vill gäld S’git anderi wos meh chönd bruuche uf dere grosse wält Ref: Ich wött nöd banker werde und scho gar nöd polizist Bin kein azugträger uniforme findi trist Ich wött nöd banker werde und scho gar nöd polizist Wott nur no glacé ässe alles anderiiiii isch mist

credits

released November 19, 2019

license

all rights reserved

tags

about

Luusbuebe Zürich, Switzerland

contact / help

Contact Luusbuebe

Streaming and
Download help

Report this album or account

If you like Luusbuebe, you may also like: